Sommarutstilling Galleri Samvirke

Laurdag 25. juni kl. 13.00 opnar me døra til årets sommarutstilling. Sist Jon vitja galleriet i Vrådal var i 2014. Han skulle ha vori her sommaren 2020, men grunna pandemien blei det avlyst da. Me gler oss uendeleg mykje til å opne denne utstillinga. Kunstnaren er tilstades på opningsdagen. Jon skildrar naturen, fjell og vatn, daglegliv og menneskja så meisterleg og uttrykksfullt, ljoset og stemninga liksom dreg ein inn i bileta. Denne utstillinga må du berre få med deg. Håpar du set av dagen til eit triveleg samver med oss i galleriet. Det blir underhaldning, boblar i glaset og noko attåt.

Alle er hjarteleg velkomne, håpar me sjåast.